Amakuru aturuka mu Minembwe ho mu Ntara ya Kivu y’Amajyepfo, avuga ko abaturage babiri baraye barashwe barakomereka mu gitero gikomeye cyane bagabweho.
Dukurikire ku Mbugazacu zitandukanye arizo:
- Injira muri WhatsApp Group yacu
- Dukurikire kuri WhatsApp Channel
- Dukurikire kuri Facebook Page
- Dukurikire kuri Twitter
Aba baturage barashwe ku Cyumweru tariki ya 12/05/2024 ahagana isaha z’ijoro, aho bivugwa ko aba baturage b’abasivile barashwe barakomereka bikabije, nk’uko byatangajwe n’abaturiye Madegu Centre ikomeza ibivuga.
Bariya baturage bavuze ko mu ijoro abasirikare ba Leta ya Repubulika Iharanira Demokarasi ya Congo (FARDC) bo muri brigade ya 12, aribo bashinjwa ubwo bugizi bwa nabi.
Bavuga ko icyo gikorwa cya kinyamanswa cyo guhohotera abaturage cyabereye mu Minembwe centre, ko kandi abakomeretse ari abo mu bwoko bw’Abashi; bakaba bari basanzwe bakora akazi k’ubucuruzi.
Aba barakomeretse, umwe yarashwe kunda no mu itako, undi nawe akomereka ukuguru kw’ibumuso mu gace ko ku ivi.
Abaturage bagasobanura ko aba basirikare mu ngabo za Repubulika Iharanira Demokarasi ya Congo bakoze buriya bugizi bwa nabi bari baje kwiba.
Nyuma yo gukomereka bariya baturage bahise bajanwa mu bitaro bya Madegu aho kugeza ubu bari kwitabwaho n’abaganga.
Ibi ntacyo ubuyobozi bw’Ingabo za Repubulika Iharanira Demokarasi ya Congo burabivugaho, gusa ishyirahamwe ry’Abashi mu Minembwe ryatanze ikirego muri ubwo buyobozi.
