Mu mirwano yabaye mu ijoro ryo ku wa Gatandatu, tariki ya 25/05/2024, M23 yabohoje agace k’ingenezi gaherereye mu Ntara ya Kivu y’Amajyepfo.
Dukurikire ku Mbugazacu zitandukanye arizo:
- Injira muri WhatsApp Group yacu
- Dukurikire kuri WhatsApp Channel
- Dukurikire kuri Facebook Page
- Dukurikire kuri Twitter
Amakuru aturuka u mirongo y’imbere ku mbuga y’urugamba avuga ko igisirikare kiyobowe na General Sultan Makenga cyabohoje agace kazwimo kuba gakungahaye cyane ku mabuye y’agaciro, kitwa Lumbishi.
Aya makuru avuga ko imirwano yo gufata aka gace yari iremereye cyane, gusa ikaba yararangiye abarwana ku ruhande rw’ingabo za Repubulika ya demokorasi ya Congo bahise bayabangira ingata.
Aka gace kafashwe na M23 kitwa Lumbishi, ibice gaherereyemo biteganye na centre ya Minova, muri teritware ya Kalehe, mu Ntara ya Kivu y’Amajyepfo.
Aka gace kazwiho kuba gakungahaye cyane ku mabuye y’agaciro y’amoko atandukanye, kandi niko gafite umwanya wa kabiri mu Burasirazuba bw’iki gihugu, nyuma ya Rubaya yo mu Ntara ya Kivu y’Amajyaruguru, nayo igenzurwa na M23.
Hagati aho M23 ikomeje gusatira igana i Bukavu mu murwa mukuru w’i Ntara ya Kivu y’Amajyepfo.
Kuva imirwano yubura hagati ya M23 n’ingabo za Repubulika Iharanira Demokarasi ya Congo mu 2021, ntaho ihuriro ry’Ingabo za Repubulika ya demokorasi ya Congo ririrukana abasirikare ba M23, ahubwo M23 yirukana iri huriro ahantu hose haba habereye imirwano.
