Hashize igihe Kiliziya Gatolika muri Repubulika iharanira Demokarasi ya Congo, irebana ayingwe na leta y’iki gihugu bitewe n’umutekano muke uharangwa! Ibintu byageze aho iyi Leta ishaka kujyana mu nkiko uyu mujyanama wa Papa Francis.
Dukurikire ku Mbugazacu zitandukanye arizo:
- Injira muri WhatsApp Group yacu
- Dukurikire kuri WhatsApp Channel
- Dukurikire kuri Facebook Page
- Dukurikire kuri Twitter
Amakuru umunyamakuru wa CorridorReport afite, ni uko Perezida Félix Tshisekedi yahuye na Cardinal Frodolin Ambongo mu rwego rwo kugira ngo bahoshe umwuka mubi uri hagati y’impande zombi.
Uyu muhuro w’aba bombi wabaye tariki ya 16 Gicurasi 2024, aho Tshisekedi yakiriye Arkiyepisikopi wa Arkidiyosezi ya Kinshasa, Frodolin Ambongo mu rwego rwo kugira ngo bahoshe umwuka mubi uri hagati y’ubutegetsi bwa Kinshasa na Kiliziya Gatolika muri Congo.
Umwuka mubi hagati y’u butegetsi bwa perezida Félix Tshisekedi na Kiliziya Gatolika muri Congo, wajemo agatotsi guhera ku itariki ya 31 Werurwe 2024, nyuma y’uko Cardinal Frodolin Ambongo yari amaze gutangaza ko ubutegetsi bwa perezida Félix Tshisekedi bukorana byahafi n’imutwe y’iterabwoba wa FDLR na Wazalendo.
Kandi ashinja iyi mitwe kuba ariyo ihungabanya umutekano w’abaturage mu Burasirazuba bwa Repubulika iharanira demokarasi ya Congo.
Cardinal Frodoli Ambongo yanenze kandi amatora y’umukuru w’igihugu Tshisekedi yatsinze mu kwezi kwa Cumi n’abiri, umwaka ushize, agaragaza ko yarimo akajagari gakomeye.
Kandi agaragaza ko kuba M23 yareguye intwaro ko bwari muburyo bwo kwirindira umutekano ngo kuko ingabo z’igihugu zitashoboye kubarinda.
Ibi biri mu byatumye perezida Félix Tshisekedi kuri uyu wa Kane, yakira Cardinal Frodolin Ambongo, aho ya mwakiririye muri perezidansi ya Congo, nk’uko iy’inkuru tuyikesha ibiro by’u mukuru w’igihugu cya RDC.
Binatangaza ko ibiganiro byahuje Tshisekedi na Cardinal Frodolin Ambongo ko byamaze hafi amasaha abiri
Byagize biti: “I Kinshasa, kuri uyu wa Kane, perezida Félix Tshisekedi yavuganye na Cardinal Frodolin Ambongo. Ikiganiro cyabo cyamaze amasaha hafi abiri.”
Byakomeje bigira biti: “Ibiganiro byabo byitabiriwe kandi n’umukozi mu biro by’intumwa ya Papa muri RDC Musenyeri Andriy Yvchuk.”
Muri iki kiganiro Cardinal Frodolin Ambongo yavuze ko yahoraga yifuza guhura na perezida Félix Tshisekedi, kugira ngo amugaragarize ibintu bitandukanye bikomeje kugaragara mu gihugu imbere.
Mu gihe Tshisekedi we yavuze ko habaye ukutumva ibintu kimwe ariko ko ubu hagiye kuba ubufatanye mu rwego rwo kugira ngo amahoro agaruke mu gihugu.
Mu kiganiro perezida Félix Tshisekedi aheruka kugirana n’igitangaza makuru cyitwa Le Figaro cyo mu Bufaransa, yaciye amarenga y’uko Ambongo ashobora gufungwa nyuma yo kumushinja kuba umucengezamatwara w’u Rwanda.
Ati: “Yabaye umucengezamatwara w’u Rwanda, avuga ko RDC iri guha imbunda FDLR umutwe wa Bahutu. Ariko nabyerekane. Ntabwo ubwisanzure bwo kuvuga bukwiye kwifashishwa mu gutangaza ibinyoma, niyo waba uri Cardinal.”
Kardinal Ambongo ahuye na Tshisekedi mu gihe kandi ubushinjacyaha muri RDC bwaherukaga kumutangizaho iperereza. Nyuma y’uko yari amaze guhura na Tshisekedi yatangaje ko ku bwiwe nta kibazo kigihari.
Aho yagize Ati: “Ku bwanjye nta kibazo kigihari.”
