Kuri uyu wa gatanu tariki ya 15 Werurwe 2024; ibisasu biremereye byatewe ku bwato bwari butwaye imiti bwerekeza muri Minova muri Teritwari ya Kalehe mu Ntara ya kivu y’Amajyepfo. Ubwo ubu bwato bwari buvuye mu Mujyi wa Goma.
Dukurikire ku Mbugazacu zitandukanye arizo:
- Injira muri WhatsApp Group yacu
- Dukurikire kuri WhatsApp Channel
- Dukurikire kuri Facebook Page
- Dukurikire kuri Twitter
Amakuru avuga ko ibi bisasu byatewe biturutse mu misozi ya Ndumba muri teritwari ya Masisi.Ni ubwato bivugwa ko ari ubwa kompanyi yitwa Baraka nk’uko sosiyete sivili yo muri aka kace yabitangaje.
Ubu bwato bivugwa ko bwari butwaye abagenzi ariko bunatwaye imiti yo gufasha abasirikare ba FARDC bakomerekeye ku rugamba rw’Igisirikare cya Congo gihanganyemo na M23.
Iyi miti yagombaga koherezwa mu gace ka Minova, ahari ibitaro bivurirwamo abasirikare ba FARDC, Fdlr, ingabo z’u Burundi na Wazalendo.Muri icyo gitero nta muntu wakiguyemo ariko ubwato bwangiritse bikabije.
Ni nyuma y’uko hari amakuru avuga ko n’ubwo hari icyumvikana nk’agahenge, ahari hasanzwe havugwa imirwano mu ntara ya Kivu y’Amajyaruguru ,bivugwa ko hari ibitero bitungurana bihanganishije impande zombi ndetse bikanavugwa ko FARDC ikomeje guhunga yerekeza i Beni no muduce twa Butembo, ndetse abandi bahunga bagana mu Ntara ya Kivu y’Amajy’epfo.
