Inteko Nshingamategeko muri Repubulika iharanira Demokarasi ya Congo, yategetse ko kuri uyu wa gatatu tariki ya 10 Mutarama 2024 Guverineri w’i Ntara ya Kinshasa, Gentiny Ngobila yegura bitarenze amasaha 24 gusa.
Ibiro bya Guverineri ku murwa mukuru w’Intara ya Kinshasa, bya sohoye itangazo rimenyesha ko Guverineri Ngombila Gentiny Mbaka, ataregura ko kandi adafunze, maze basaba abaturage gutekana. iri itangazo rikomeza rivuga ko hakirindiriwe ko haba ubutabera kubyo Guverineri ashinjwa.
Bwana Guverineri w’Intara ya Kinshasa, ari mu bakandida 82 k’u mwanya wa badepite, amajwi y’abo yabaye imfabusha, aho Komisiyo ishinzwe Gutegura amatora (CENI), yabashinje gukoresha ruswa no kuriganya kugirango batsinde Amatora.
Mu itangazo CENI, iheruka gushira hanze ryavugako bariya bakandida bose uko ari 82, bagomba gukurikiranwa n’ubutabera.
Ibi bibaye mugihe muri iki gihugu cya Repubulika Iharanira Demokarasi ya Congo, hari umwuka mubi ahanini biva ku matora y’ubushize yabaye tariki ya 20 Ukuboza 2023.
Abatsinzwe mu matora ntibemera ibyavuye mu matora, ibi bikomeje gukurura impaka ndetse no guteza umutekano muke mu gihugu hose.
