Hari gukorwa Coup d’Etat muri Repubulika Iharanira Demokarasi ya Congo?

I Kinshasa mu murwa mukuru wa Repubulika Iharanira Demokarasi ya Congo umutekano ukomeje guhungabanywa n’abantu bitwaje intwaro, aho humvikanye urusaku rw’amasasu, benshi bagatangaza ko hari gukorwa Coup d’Etat.  

Dukurikire ku Mbugazacu zitandukanye arizo:

• Injira muri WhatsApp Group yacu
• Dukurikire kuri WhatsApp Channel
• Dukurikire kuri Facebook Page
• Dukurikire kuri Twitter

Ibi byabaye uguhera mu rukerera rw’iri joro ryakeye rishyira kuri iki Cyumweru, aho abantu bitwaje intwaro bagabye igitero ku rugo rwa Vital Kamerhe, ushobora kuzaba perezida w’inteko ishinga amategeko, nk’uko iy’inkuru tuyikesha Top FM Congo.  

Kiriya gitangazamakuru cyatangaje ko urugo rwa Vital Kamerhe, rwibasiriwe n’abantu benshi, kandi baza bitwaje intwaro zirimo iza gakondo n’imbunda.  

Mu kugaba icyo gitero, bakoresheje amayeri yo kubanza kuzenguruka urugo rwa Vital Kamerhe, nyuma bamwe muri bo binjira imbere mu nzu y’uyu munyepolitiki.  

Iki gitangazamakuru ntabwo cyatangaje ibyaba byangirijwe muri kiriya gitero, gusa kivuga ko bamwe mu bakigabye batawe muri yombi, nkuko bigaragara mu mashusho cyashyize hanze.  

Murii ariya mashusho hagaragaramo abatawe muri yombi bari bambaye imyenda ya gisivile abandi ndetse batambaye imyenda mu gatuza ariko bambaye imyenda yo hasi gusa.  

Nyuma ya kiriya gitero, hari andi mashusho yashyizwe hanze n’inditsinda ry’abantu bitwaje intwaro, rifashe ibendera ryahoze ari rya Zaïre.   

Iri tsinda bivugwa ko ryari riri muri Quartier ya Gombe ho muri  Kinshasa, kandi abarigize bari bambaye impuzankano ya gisirikare, ndetse bagendaga bamanitse iri bendera hejuru, mu rwego rwo kugira ngo rigaragarire abantu bose.   

Aba bo banashwanyaguje ibendera rya Repubulika Iharanira Demokarasi ya Congo, ndetse banasenya ku nyubako ya Perezida Tshisekedi.  

Ibi byatumye umutekano uzamba muri  Kinshasa; byanatumye abashinzwe umutekano bafunga ibice bimwe byo muri uyu mujyi, aho imihanda imwe n’imwe itakiri nyabagendwa kugeza ubu.  

Ibi bibaye nyuma y’umunsi umwe gusa, ubwo abagize ihuriro ry’ishyaka rya Union sacrée, rishigikiye perezida Félix Tshisekedi, rikoze inama yo gutora perezida uzayobora inteko ishinga amategeko y’umutwe wa badepite na sena; irangira ibayemo imvururu zikomeye, ndetse abayitabiriye baje no kuyitukaniramo, kandi bikorerwa imbere ya perezida Félix Tshisekedi, kugeza aho inama isubikwa igitaraganya.  

Mu batukanye harimo Justin Bitakwira udashigikiye koChristophe Mbosso yatorerwa kuyobora uyu mwanya, aho yavuze ko kongera kugarura Christophe Mbosso ku buyobozi bw’umutwe w’abadepite, byarutwa n’uko icyorezo cya COVID-19 cyagaruka, mu gihugu.  

Hari abasesenguzi mu bya Politiki bavuga ko ibiri kuba muri iki gihugu biri mu mugambo wo guhirika Perezida Tshisekedi ku butegetsi no gukuraho Guverinoma ye.