Umutwe witwaje intwaro wa M23 utangaje ko umaze gukubita inshuro ingabo za Repubulika ya demukarasi ya Congo zifatanyije n’imitwe yitwaje intwaro irimo FDLR, abacancuro ndetse n’ihuriro rya Wazalendo.
Dukurikire ku Mbugazacu zitandukanye arizo:
- Injira muri WhatsApp Group yacu
- Dukurikire kuri WhatsApp Channel
- Dukurikire kuri Facebook Page
- Dukurikire kuri Twitter
Perezida wa M23, Bertrand Bisimwa, saa moya n’iminota ibiri mu gitondo cyo kuri uyu wa 21 Ugushyingo 2023 yatangaje ko iri huriro ry’ingabo za Leta ya RDC ryagabye igitero muri Kitshanga na Kilolirwe mu masaa kumi n’imwe.
Bisimwa yagize ati: “Mu gitondo saa 5:40, ihuriro ry’ingabo za Leta ya Kinshasa ryagabye igitero ku basivili b’inzirakarengane no ku birindiro bya M23 mu mujyi wa Kitshanga no mu gace ka Kilolirwe. Ingabo za ARC zafashe ingamba za kinyamwuga mu kwirwaho no kurinda abasivili n’ibyabo. Ibyifuzo bisa n’intambara bya Leta ya Kinshasa bizatsindwa n’amahoro.”
Umuvugizi wa M23 ku rwego rwa politiki, Lawrence Kanyuka, saa moya n’iminota 17 yatangaje ko ihuriro ry’ingabo za Leta ya RDC ryakwiye imishwaro nyuma yo kugaba iki gitero. Ati: “Muri uyu mwanya, ihuriro ry’ingabo za Leta ya Kinshasa, FARDC, FDLR, abacancuro n’insoresore ryakwiye imishwaro.”
Kanyuka yakomeje agira ati: “Ibitero ku baturage b’abasivili n’ibirindiro bya M23 muri Kitshanga, Kilolirwe no mu nkengero byapfubye. Akazi karakomeje.” Iki gitero gikurikiye icyagabwe mu gace ka Kalenga muri teritwari ya Masisi mu gitondo cyo kuri uyu wa 20 Ugushyingo, nyuma y’amasaha make M23 igafashe. Na cyo cyamaze umwanya muto.
