Biteye agahinda! abandi bantu babiri bishwe baterewe amabuye mu ruhame

Amakuru aturuka muri Repubulika Iharanira Demokarasi ya Congo, avuga ko hari abandi bantu babiri bishwe batewe amabuye mu mujyi wa Goma ufatwa nk’umurwa mukuru w’intara ya Kivu y’Amajyaruguru. 

Dukurikire ku Mbugazacu zitandukanye arizo:

• Injira muri WhatsApp Group yacu
• Dukurikire kuri WhatsApp Channel
• Dukurikire kuri Facebook Page
• Dukurikire kuri Twitter

Ibi byabaye mu ijoro ryakeye rishyira kuri uyu wa Gatanu, tariki ya 12 Mata 2024, bibera ahitwa Kituku, aho hishwe abandi bantu babiri bicwa urupfu ruteye agahinda. 

Aya makuru aya MCN avuga ko mu ijoro ryakeye ry’ejo ku wa Kane, abantu babiri baraye biciwe muri Quartier ya Kituku, ho mu mujyi wa Goma. Abaraye bishwe bivugwa ko bishwe baterewe amabuye mu ruhame. 

Kugeza ubu imyirondoro y’abishwe ntiramenyekana ku mpamvu z’uko amasura yabo yangirijwe n’amabuye batewe. 

Ibyo bibaye mu gihe ku munsi w’ejo hashize inzego zishinzwe umutekano zari zataye muri yombi abarimo Wazalendo n’abasirikare ba FARDC bashinjwa kuba bafite uruhare mu bwicanyi bukorerwa abasivile i Goma. 

Mu batawe muri yombi harimo abasirikare batatu ba FARDC n’abarwanyi babiri ba Wazalendo n’abandi bantu b’abasivile bakorana na Wazalendo. 

Ni mu gihe muri iki cyumweru honyine hamaze kwicwa abasivile barenga 8.  

Ijoro ryo ku wa Kabiri hishwe harashwe abasivile batatu, ibyo kandi byabaye mu ijoro ryo ku wa Gatatu, kuko naho hishwe abasivile batatu nabo bicwa barashwe n’abantu byavuzwe ko ari abarwanyi ba Wazalendo.