Kuri uyu wa gatanu tariki ya 12 Mata 2024, hongeye kuramukira agahenge k’amahoro mu bice byahoraga biberamo imirwano mu ntara ya Kivu y’Amajyarugu, ahanini ahari amahoro hakaba ari ahagenzurwa na M23 kuko i Goma ahari FARDC hari ubwicanyi bukomeje gukorwa kibandi.
Dukurikire ku Mbugazacu zitandukanye arizo:
- Injira muri WhatsApp Group yacu
- Dukurikire kuri WhatsApp Channel
- Dukurikire kuri Facebook Page
- Dukurikire kuri Twitter
Ibice byaramukiyemo amahoro ni muri teritware ya Masisi, Rutshuru na Nyiragongo, nk’uko amakuru ava muri ibyo bice abivuga.
Amakuru avuga ko kuva ku munsi w’ejo ku wa Kane, no kuri uyu wa Gatanu, mubice birimo ibyo muri teritware ya Masisi, nka Ishasha yahoragamo imirwano n’imisozi iri mu nkengero za Sake, ndetse n’ibice byo muri Grupema ya Mupfunyi/Shanga, ku munsi w’ejo hashize hiriwe ituze n’ubu hongeye kuramukira agahenge k’amahoro.
Hagati aho M23 yasabwe gutabara Abanye-Goma, nyuma yuko bamaze igihe bicwa na Wazalendo. Mu minsi mike ishize hamaze kwicwa abantu barenga icumi.
Mu ijoro ryo ku wa Kabiri w’iki Cyumweru, hishwe abantu batatu, bicwa barashwe, ndetse no mu ijoro ryo ku wa Gatatu tariki ya 10 Mata 2024, hishwe abandi bantu batatu nabo bicwa barashwe na Wazalendo. Abicwa bose ni abasivile.
Guverineri w’i Ntara ya Kivu y’Amajyaruguru mu bya gisirikare, major Gen Peter Cirimwami Nkuba, ku munsi w’ejo hashize yatanze umuburo kuri Wazalendo, abasirikare basezerewe ndetse n’abasirikare bakora kibandi, ababwira ko hagiye gukorwa umukwabo ukomeye cyane avuga ko uzasanganwa ibinyuranyije n’amategeko azahanwa by’intangarugero.
Ibi yabivuze nyuma y’uko hari hamaze gufatwa bamwe muri Wazalendo n’Abasirikare ba FARDC bashinjwa kuba inyuma y’ubwicanyi bukomeje kwibasira abasivile i Goma.
Ku rundi ruhande mu bice bigenzurwa n’Ingabo ziyobowe na Gen Sultan Makenga birimo umutekano ari nabyo bituma bamwe mu baturage baturiye i Goma bahamagaza Intare za Sarambwe kuza kubohoza uyu mujyi ukomeje kuberamo urugomo rw’ubwicanyi bukorwa na Wazalendo.
Hakaba hari n’andi makuru avuga ko ihuriro ry’Ingabo za Guverinoma ya Repubulika Iharanira Demokarasi ya Congo ryongeye kwiyambaza indege z’intambara zo kurwanya M23 nubwo izo yari yazanye ku rugamba mu minsi yashize nta musaruro zatanze. Aya makuru avuga ko izo ndege zaraye zigeze i Goma.
Ibyo bikozwe mu gihe abaturiye i Goma, Nyiragongo ndetse na Kalehe, mu Ntara ya Kivu y’Amajy’epfo bari batangiye kwinubira ihuriro ry’Ingabo za FARDC n’abambari bazo.
Bazishinja kuba iri huriro ryarananiwe guhangana n’ibibazo by’umutekano, nk’uko ibyo byatangajwe n’umwe mu banyamakuru b’abanye-Congo, Ronely Ntibonera.
Yagize ati: “Hashize iminsi itari mike, gucika intege bimaze kwigarurira imitima y’abaturage baturiye Goma, Kalehe na Nyiragongo. Kubera ko abashinzwe umutekano bananiwe guhangana n’ibibazo bijanye n’umutekano. Umutekano ugenda ukomeza kuba muke aho kuba mwiza.”
Yakomeje agira ati: “Abanyekongo bageze aho bumva barambiwe n’ingabo za FARDC, kubera z’ubwicanyi bakorerwa buri munsi. Abari inyuma y’ubwo bwicanyi ni Wazalendo na FDLRb afatanyije n’Igisirikare cya leta ya perezida Félix Tshisekedi Tshilombo basanzwe bafatanya kurwanya M23.”
