Indege y’intambara itagira abapilote (drone) y’ihuriro ry’ingabo za Repubulika Iharanira Demokarasi ya Congo (CH-4) yagabye igitero ku baturage ihitana ubuzima bwa benshi n’ubw’amatungo ndetse n’amazu menshi ya bo arasenywa.
Amakuru aturuka ku mbuga y’urugamba avuga ko iki igitero cyagabwe mu gace ka Kurugi, yibasira uturere dutuwe n’imiryango y’abatutsi bavanywe mu byabo.
Si ubwa mbere aba baturage bagabweho igitero nk’iki kuko mu bihe byashize iri huriro ry’imitwe y’ingabo za Repubulika Iharanira Demokarasi ya Congo riheruka kubasenyera amazu ndetse bamwe bakaba bari babayeho badafite aho bakinga umusaya nyuma yuko amazu yabo asenywe n’izi ngabo.
Nkuko umutwe wa M23 wakomeje kubigarukaho, ubutegetsi bwa Repubulika Iharanira Demokarasi ya Congo burimo kurimbura abaturage, bigakorwa amahanga arebera.
Kugeza ubu umubare w’abasivili bahitanywe n’iki gitero nturamenyekana, gusa ikinyamakuru corridorreport.com kirakomeza gukurikirana neza uko ibintu bimeze.
