Général Gabriel Amis Tangufort usanzwe ari mubayobozi bakomeye b’Ingabo za RDC; arashinjwa kuba mu mugambi wo gushaka guhirika ubutegetsi bwa perezida Félix Tshisekedi.
None tariki ya 02 Mutarama 2024, itsinda ry’Ingabo nyinshi zo mu mutwe w’Ingabo zirinda umukuru w’igihugu cya RDC (GR), bazengurutse urugo rwa General Amis Tangufort.
🚨|🇨🇩#Urgent : La résidence du Général #Amisi Kumba Gabriel dit ''Tango Four'' à Mitendi/Mont-Ngafula serait encerclée par une cohorte des éléments de la GR au motif qu'il veut faire un coup d'état @VoiceOfKivu @BNzimbi @SugiraMireille @kivuresidence @FelixMugenzi @Umukasi_Kivu pic.twitter.com/oaBkVf0Kfg
— Top Kivu (@TopKivu) January 2, 2024
Top Kivu dukesha iyi nkuru, yavuze ko urugo rwa General Amis Tangufort, rwa goswe n’Abasirikare ari uruherereye Mitendi muri Komine ya Mont-Ngafula i Kinshasa, kumurwa mukuru w’igihugu cya Republika ya Demokarasi ya Congo.
Ibi bibaye mugihe Perezida Félix Tshisekedi, aheruka kwe gukana intsinzi, ku majwi 73.34% mu matora aheruka gutangazwa bya gateganyo tariki ya 31 Ukuboza 2023.
Nyuma yo gutangazwa amajwi, Abakandida batavuga rumwe n’ubutegetsi bwa Kinshasa; abarimo Moïse Katumbi, Martin Fayulu na Dr Denis Mukwege, bakomeje kunenga bakaba bari gusaba ko Amatora yasubirwamo bundi bushya bitaba ibyo hagafatwa ingamba nshyashya.
Byavuzwe ko ibi byatumye haba urwikekwe hagati mu butegetsi bwa Kinshasa, ahanini mu basirikare bakuru bagize igisirikare cya FARDC. Twakwibutsa ko uyu mugabo Général Amis Tangufort, yigezeho kuba akuriye Ingabo za RDC zirwanira k’u butaka mu myaka yashize.
