Kuwa Gatatu tariki ya 13 Gashyantare 2024 umukuru w’u rwego rw’ubutasi n’abamwungirije 2 batawe muri yombi bazira gukorana na M23.
Aba bose bafatiwe i Goma boherezwa i Kinshasa m’ umurwa mukuru wa Repubulika iharanira Demokarasi ya Congo gufungwa.
Aba bayobozi batawe muriyombi, bivuye ku mabwiriza ya General Christian Ndaywel, umuyobozi w’ubutasi k’urwego rwa Gisirikare (Demiap), i kintambo, ari naho abavanywe i Goma bakajya gufungirwa muri ANR.
Bimwe mu bitangazamakuru birimo Scooprdc.net; CorridorReports Ikesha iyi nkuru, bivuga ko Fabien Mbwebwe na bamwungirije ba biri umwe ushinzwe ibikorwa n’undi ushinzwe ubutasi, bashinjwa gukorana n’umutwe wa M23 urwanya ubutegetsi bwa perezida Félix Tshisekedi Tshilombo
Ariko iryo tabwa muriyombi rikaba rya garutsweho n’ibinyamakuru byinshi muri Repubulika Iharanira Demokarasi ya Congo aho buvuga ko ibyo Fabien Mbwebwe ashinjwa, ko byazanye umwuka mubi hagati y’inzego zombi zubutasi.
Urwego rwa gisirikare n’urwa gisivile muri ANR, bavuga ko bashinja General Christian Ndaywel kutubaha no kudafatanya n’u buyobozi bukuru. Bavuga ko yari akwiye kubanza kuvugana na mugenzi we uyobora ANR, kandi ko ariwe wagombaga ku muhamagaza i Kinshasa akabanza kumva ibyabo mbere yo kubashikiriza ubutasi bwa Gisirikare.
ANR kandi bavuga ko umuyobozi wa yo yatunguwe n’ifatwa ry’u muyobozi wa ANR i Goma n’abamwungirije kuburyo havutse ukutavuga rumwe hagati muri iyi service y’ubutasi.
Umwaka ushize wa 2023; urwego rw’ubatasi rwa gisirikare kandi bwataye muriyombi Abayobozi ba ANR na DGM (Urwego rushinzwe abinjira n’abasohoka) i Bukuvu boherezwa i Kinshasa. Ariko biravugwa ko abo muri DGM ko bamaze gusubira mukazi.
