Muri Repubulika Iharanira Demokarasi ya Congo, muri Kivu y’amajyaruguru haravugwa ubwicanyi bwakorewe abasivile I Mweso ku munsi w’ejo tariki 25 Mutarama 2024 bwakozwe n’ihuriro ry’ingabo za FARDC.
Dukurikire ku Mbugazacu zitandukanye arizo:
- Injira muri WhatsApp Group yacu
- Dukurikire kuri WhatsApp Channel
- Dukurikire kuri Facebook Page
- Dukurikire kuri Twitter
Mu mafoto yagiye hanze agaragaza imibiri y’abarimo abana yashenjaguwe bikomeye n’igisasu biturutse ku mirwano ihanganishije M23 n’ingabo za leta FARDC n’abo bafatanyije.
Mu itangazo M23 yashyize hanze, yanyomoje amakuru yavugwaga n’urugande rwa leta rutishinja ko ariyo yishe abo bantu.
M23 ibicishije ku muvugizi wa M23 Lawrence Kanyuka yatanze ubutumwa igira iti: “Ubutegetsi bwa Kinshasa, bubinyujije ku muvugizi w’igisirikare cy’amajyaruguru ya Kivu, bwihutiye gutangaza itangazo rigenewe abanyamakuru kugira ngo bahakane ubwicanyi bwakorewe abaturage ba Mweso.”
Yakomeje agira ati: “Abaturage bahohotewe barabyiboneye n’amaso. Ubutegetsi bw’i Kinshasa nibwo bwabikoze. M23 yiyemeje rwose kurengera abaturage b’abasivili kandi ntizihanganira ibyo byaha bakorewe.”
Umutwe wa M23 utangaza ko i Mweso hishwe abasivile 20 abandi 17 bagakomereka cyane.
M23 ivuga ko ingabo za FARDC n’abo bafatanyije aribo bishe abo bantu, kubera kurasa mu bice bituwe n’abaturage nyuma yo kunanirwa gusubiza inyuma M23 ku mirongo y’urugamba.
M23 yashinje Perezida wa Repubulika Iharanira Demokarasi ya Congo, Felix Tshisekedi ubwicanyi bwibasira ubwoko bumwe, ibyaha by’intambara n’ibyaha byubasiye inyokomuntu.
Uyu mutwe nahamagarira umuryango mpuzamahanga guhaguruka ukamagana ibiri gukorwa n’ingabo za Repubulika Iharanira Demokarasi ya Congo n’abo bafatanyije.
