Rutahizamu wari inkingi ya mwamba muri Real Madrid yakatiwe gufungwa imyaka 9 muri gereza

Urukiko rukuru rwo muri Brazil rwemeje ko Robinho wahoze akina umupira w’amaguru, agomba kurangiza imyaka icyenda afunzwe kubera icyaha cyo gufata ku ngufu yakoreye mu Butaliyani mu 2017. 

Dukurikire ku Mbugazacu zitandukanye arizo:

• Injira muri WhatsApp Group yacu
• Dukurikire kuri WhatsApp Channel
• Dukurikire kuri Facebook Page
• Dukurikire kuri Twitter

Muri 2017, Robinho yakatiwe igifungo cy’imyaka icyenda mu Butaliyani kubera uruhare yagize mu ihohoterwa rishingiye ku gitsina ryakozwe nk’itsinda mu 2013, ubwo yakiniraga AC Milan. 

Kubera politiki ya Brazil ku benegihugu bayo, Ubutaliyani bwasabye ko yafungirwa iwabo muri Brazil. 

Kuri uyu wa gatatu, Urukiko rwisumbuye rwa Brazil rwafashe icyemezo ku majwi 9-2 y’abatoye mu kwemeza icyemezo cy’urukiko rw’Ubutaliyani. 

Robinho w’imyaka 40, ufite uburenganzira bwo kujuririra Urukiko rw’Ikirenga rwa Brazil, ahakana ibyo aregwa, ashimangira ko gukorana imibonano mpuzabitsina n’umurega bahuriye mu kabari i Milan byari byumvikanyweho. 

Yashyikirije pasiporo ye abategetsi ba Brazil, ubu akaba atuye i Santos, hafi ya Sao Paulo. 

Mu iburanisha ryo ku wa gatatu, uwunganira Robinho, Jose Eduardo Alckmin, yabwiye urukiko ko umukiriya we yasabye ko urubanza rusubirwamo muri Brazil. 

Umucamanza wa mbere watoye, Francisco Falco, yemeje ko igihano cya Robinho kigomba gukorerwa muri Brazil, ashimangira ko uyu wahoze ari umukinnyi w’umupira w’amaguru agomba guhura n’ingaruka z’ibyo yakoze. 

Nkuko Goal ibitangaza, Robinho ngo aherutse kuvuga ko igifungo cy’imyaka icyenda yahawe, ari ingaruka z’irondaruhu mu Butaliyani. 

Robinho w’imyaka 40, yamenyekanye cyane mu Bwongereza nyuma yo kugurwa miliyoni 32.5 z’ama pound na Man City mu 2008, ku munsi iyi kipe yaguzwe na kompanyi iyoborwa n’igikomangoma cya Abu Dhabi, Sheikh Mansour.