Repubulika Iharanira Demokarasi ya Congo yatangaje icyaha Joseph Kabira wahoze ari Perezida wayo ashobora gukurikiranwaho

Minisitiri w’Ububanyi n’Amahanga wa Repubulika Iharanira Demokarasi ya Congo, Christophe Lutundula, yaburiye Joseph Kabila wahoze ari Perezida w’iki gihugu ko ashobora gukurikiranwaho icyaha cy’ubugambanyi. 

Dukurikire ku Mbugazacu zitandukanye arizo:

• Injira muri WhatsApp Group yacu
• Dukurikire kuri WhatsApp Channel
• Dukurikire kuri Facebook Page
• Dukurikire kuri Twitter

Joseph Kabila yaburiwe irengero ndetse bivugwa ko yaba yarahunze mu ibanga rikomeye. 

Uyu kandi ubutegetsi bwa Repubulika Iharanira Demokarasi ya Congo buramushinja kuba ari umwe mu bakorana na M23. 

Mu mpera z’icyumweru gishize Umunyamabanga Mukuru w’Ishyaka UDPS riri ku butegetsi muri Congo, Augustin Kabuya, yatangaje ko Joseph Kabila amaze iminsi yarahunze igihugu rwihishwa kubera ko ari umwe mu bari inyuma y’intambara Ingabo za RDC zikomeje kurwanamo na M23. 

Kabuya yashinje Kabila gukorana na M23, nyuma y’uko bamwe mu bahoze ari abarwanashyaka b’ishyaka rye rya PPRD bihuje n’ihuriro Alliance Fleuve Congo ribarizwamo na M23. 

Lutundula yibukije Kabila ko amategeko ahana ibyaha muri RDC ateganya ko “gukorana rwihishwa n’ibihugu by’amahanga ni ubugambanyi”. 

Lutundula yunzemo ko n’ubwo Kabila yahoze ari umukuru w’igihugu, hari amategeko amuhana mu gihe yakosheshe kimwe n’undi munye-Congo wese. 

Icyaha cy’ubugambanyi RDC yatangiye gushinja Kabila gihanishwa igihano cy’urupfu kimaze iminsi mike gisubijweho muri iki gihugu.