Kuri uyu wa kane tariki ya 25 Nyakanga 2024, urwego rw’ubugenzacyaha RIB rwatangaje ko umunyamabanga uhoraho muri Minisiteri y’ibidukikije, Karera Patrick ari gukorwaho ipererza ku byaha acyekwaho.
Ibi byatangajwe n’umuvugizi wa RIB Dr Murangira B Thierry, mu kiganiro yagiranye n’itangazamakuru ku gicamunsi cyo kuri uyu wa 25 Nyakanga 2024, aho yavuze ko ibyaha uyu munyamabanga acyekwaho ari ibyaha yakoreye muri iyi minisiteri y’ibidukikije.
Mu kiganiro n’itangazamakuru, Umuvugizi wa RIB yagize ati “Umunyamabanga Uhoraho muri minisiteri y’ibidukikije ari mu bari kubazwa, ari gukorwaho iperereza. Ubu ntitwavuga ngo arafunze, icyemezo ntikirafatwa.”
Ibi kandi bibaye nyuma yuko mu gitondo cyo kuri uyu wa 25 Nyakanga 2024, ibiro bya Minisitiri w’intebe byasobohoye itangazo rimenyasha ko uwari minisitiri w’Abakozi ba Leta n’umurimo,Dr Jeanne d’Arc Mujawamariya, yirukanwe. Uyu kandi nawe mbere yuko ahabwa izi nshingano yirukanwe mo, yari yarabanje kuyobora iyi minisiteri y’ibidukikije.
Benshi mu bakoresha imbuga nkoranyambaga ndetse n’ibinyamakuru bimwe na bimwe, yewe n’abanyamakuru ndetse n’abaturage batangiye kwibaza niba ibyaha Jeanne d’Arc akurikiranyweho hari aho byaba bihuriye nibyo Karera Patrick acyekwaho.
