Ku munsi wo ku wa gatanu tariki ya 2 Kanama 2024 ingabo za M23 ndetse n’ingabo zirwanira ku ruhande rwa Leta ya Kinshasa, zongeye gukoranamo ndetse biza kurangira M23 yigaruriye utundi ducye two muri Kivu ya Ruguru hariya mu burasirazuba bwa Repubulika iharanira Demokarasi ya Congo.
Nkuko amakuru abivuga, izi ngabo zari ziyobowe na Gen Sultan Makenga zarwanye kandi zikubita ingabo zari ku ruhande rwa Leta ya Kinshasa, ubundi zigarurira uduce two muri two muri teritware ya Rutshuru mu Ntara ya Kivu y’Amajyaruguru.
Amakuru avuga ko iyi mirwano yatangiye mu gitondo cyo kuri uyu wa gatanu, aho humvikanye urusaku rw’imbunda ndende ndetse n’intoya. Utwo duce twafashwe hari akitwa Kingunga nakitwa Localité ya Kisengero, tukaba duherereye mu ntera y’ibirometero 16 uvuye mu mujyi wa Kiwanja wo umaze igihe kinini ugenzurwa n’uyu mutwe wa M23.
Iyi mirwano kandi ibaye nyuma yuko u Rwanda na Leta ya Kinshasa bigiranye ibiganiro, ndetse bikemeranywa ko imirwano igiye guhagarikwa ku mpande zombi zihanganye, gusa M23 yo ibakurira inzira ku murima ibabwira ko idashobora gukurikiza iyo myanzuro yafashwe batabigizemo uruhare.
M23 kandi ikomeza gushimangi ko intego yabo ari ugushyira akodomo kuri leta ya Kinshasa.
