M23 n’ingabo zirwanira ku ruhande rwa Leta ya DRCongo bazindukiye mu mirwano ikaze.
Ni imirwano yatangiye ku isaha ya saa kumi n’ebyeri z’iki gitondo cyo kuri uyu wa mbere tariki ya 15/07/2024, aho M23 n’ihuriro ry’Ingabo za Congo bazindutse bambikana.
Amakuru ava muri ibyo bice, avuga ko iyi mirwano irimo kubera mu duce twa Kamonyi, Butumbalongi na Bifura ho muri grupementa ya Bashali-Mukoto. Utu duce akaba ari utwo muri teritware ya Masisi mu Ntara ya Kivu y’Amajyaruguru.
Gusa nk’uko iy’inkuru ibivuga n’uko ihuriro ry’Ingabo za RDC ariryo ryongeye kurenga ku masezerano ya gahenge kasabwe na leta Zunze ubumwe z’Amerika, kandi aka gahenge kavuga ko impande zombi zizamara ibyumweru bibiri nta ruhande ruteye urundi.
Iki kibaye igitero cya kane muri iyi minsi ya gahenge kuko kuva mu ntangiriro z’iki cyumweru iri huriro ry’Ingabo za RDC zakomeje kugaba ibitero mu birindiro bya m23 ndetse no mu bice bituwe n’abaturage, nk’uko umvugizi wa m23 mu bya politiki yagiye ashinja uru ruhande rw’i gisirikare cya RDC kuba nyirabayazana w’iyi mirwano.
Hagataho, imirwano ikomeje gukara muri ibi bice byo mu Burasirazuba bwa RDC, kimweho uruhande rwa m23 rukomeje gukubita kenshi iri huriro ry’Ingabo za Guverinoma ya Congo, ndetse no kwigarurira uduce twagenzurwaga n’iri huriro ry’Ingabo za leta ya Kinshasa.
