Moïse Katumbi Chapwe yemejwe nk’umukuru w’igihugu cya RD-Congo Nkuko bitangazwa n’Ishyaka rye «Ensemble Pour la République» aho rivuga ko ari we watsinze amatora y’Umukuru w’Igihugu yabaye mu cyumweru gishize.
Christian Mwamba uhagarariye Katumbi mu ntara ya Haut-Katanga, yabitangaje ubwo yari i Lubumbashi.
Uyu mugabo mu magambo ye yavuze ko Katumbi ari we watsinze amatora, ariko «kubera kutita ku nshingano, Perezida wa CENI (Komisiyo y’amatora muri RDC) arashaka kwiba intsinzi y’umukandida w’abaturage. »
Amakuru yihariye agera kuri Corrirdorreport.com avuga ako aba hafi ya Katumbi bakomeje gushimangira ko ari we wegukanye intsinzi, mu gihe amajwi y’agateganyo amaze gutangazwa yerekana ko Perezida Félix Antoine Tshisekedi ari we ukomeje kuza imbere y’abo bahatanye.
Mu gihe hamaze kubarurwa amajwi abarirwa muri miliyoni 2.7, imibare itangwa na CENI irerekana ko Tshisekedi ari imbere n’amajwi 80.3%, agakurikirwa na Katumbi ufite 15.8%. Martin Fayulu aza ku mwanya wa gatatu n’amajwi angana na 1.8%.
Moïse Katumbi Chapwe niwe wabaye Perezida wa RD-Congo https://t.co/7EdgM5MGqH via @CorrirdorReports.com
— Corridor Reports (@Corridorreports) December 26, 2023
Indi nkuru wasoma
Byagenda bite Félix Tshisekedi yongeye gutorerwa kuyobora RD-Congo?
Video wareba
