Kuri uyu wa mbere tariki 12 Gashyantare 2024, Urusaku rw’imbunda zirimereye rwakomeje kumvikana mu bice bya Sake muri teritware ya Masisi no mu nkengero za Goma ifatwa nk’umurwa mukuru w’intara ya Kivu y’Amajyaruguru.
Dukurikire ku Mbugazacu zitandukanye arizo:
- Injira muri WhatsApp Group yacu
- Dukurikire kuri WhatsApp Channel
- Dukurikire kuri Facebook Page
- Dukurikire kuri Twitter
Amakuru aturuka ku mirongo y’imbere ku rugamba avuga ko M23 yakoze operasiyo yayifashije kwirukana ihuriro ry’ingabo zirwana ku ruhande rwa FARDC mu nkambi eshatu zibarizwa muri Kanyamahoro, uduce turi mu ntera y’ibirometre 13 uvuye mu mujyi wa Goma
Ni mu mirwano iri kubera mu misozi iri hejuru ya Centre ya Sake, mu gace ka Kihuli, Malehe, Nenero, Karuba, Kirotshe no mubundi bice biri mu nkengero zaho.
Iyi mirwano ikomeye cyane iri kubera ahanini muduce tubarizwa muri Grupema ya Kamoronza ariho Centre ya Sake ibarizwamo, nkuko byemejwe na Sosiyete sivile ibarizwa muri ibyo bice.
Iyi mirwano kandi iri kubera muri axe ya Kibumba-Goma, aho ihuriro ry’Ingabo zirwana ku ruhande rwa Repubulika Iharanira Demokarasi ya Congo, zagabye ibitero mu baturage no mu birindiro bya M23 bi hereye muri Kibumba na Buhumba, teritware ya Nyiragongo.
Uru rugamba ruri kubera mu bice bya Nyiragongo rwasize M23 ifashe agace ka Kanyabuki, agace kari hafi yo ku Mabereyinkumi.
Ku rundi ruhande abarwanyi ba Wazalendo bagabye igitero ku ngabo za MONUSCO muri centre ya Sake.
Amakuru yakomeje kuvugwa n’abaturage baturiye ibyo bice bavuga ko Wazalendo bashinja Monusco kutarwanya ingabo za M23.
Ibi bibaye mugihe na Kinshasa hazindukiye imyigaragambyo yamagana Ingabo z’umuryango w’Abibumbye.
Mu nkuru twabagejejeho mbere ivuga ko iyo myigaragabyo iri gukorwa mu rwego rwo kwamagana Monusco ndetse n’Imiryango mpuzamahanga.
Iyi miryango ikaba ishinjwa kutagaragaza umusaruro ugaragara mu nshingano zabo no kudafasha Repubulika Iharanira Demokarasi ya Congo kurangiza amakimbirane ari mu Burasirazuba bwa Repubulika Iharanira Demokarasi ya Congo binyuze mu ntambara.
Ku wa Gatandatu, w’icyumweru gishize, nibwo urubyiruko rw’Abanye-Congo rwakoze imyigaragambyo simusiga Mu mujyi wa Kinshasa.
Muri iyi myigaragambyo Aba banye-Congo batwitse imodoka za Monusco ndetse bamisha n’amasasu ku ngabo za Monusco. Ibi byaje kwamaganwa na Bintou Keita, intumwa y’umunyamabanga mukuru w’umuryango w’Abibumbye muri Repubulika Iharanira Demokarasi ya Congo.
