Muri iki gihe k’igura n’igurisha kiri kugana ku musozo mu Rwanda, amakipe atandukanye yagiye yiyubaka haba mu bakinnyi ndetse no mu batoza. Mu makipe yiyubatse ku buryo bugaragarira buri umwe, n’ikipe ya Rayon Sports nayo irimo.
Kuri ubu iyi kipe yamaze kwemeza ko umutoza wayihesheje igikombe cya shampiona iheruka, Robertinho yamaze kuba umutoza w’iyi kipe bidasubirwaho. Ibi yabitangaje ibinyujije ku mbuga mkoranyambaga zayo ku mugoroba wo kuri uyu wa mbere tariki ya 22 Nyakanga 2024.
Ubusanze Robertinho watoranyijwe kuzatoza Rayon Sports mu mwaka w’imikino wa 2024-25 ni we wayihesheje igikombe cya shampiyona ya 2018-19 iheruka ndetse akaba ari na we wayigejeje muri 1/4 cya CAF Confederation Cup.
Nyuma yo kuva muri Rayon Sports akaba yaranyuze muri Vipers SC yo muri Uganda ndetse na Simba SC zose akaba yarazigejeje mu mikino Nyafurika.
