Prezida wa Burkina Faso, Ibrahim Traoré yagaragaye arimo akina umukino wo gufasha, aho yahuriye mu kibuga n’abakinnyi basanzwe bakinira n’abahoze mu ikipe y’igihugu ya Burkina Faso.
Ikipe y’abayobozi b’igihugu cya Burkina Faso yatsinze abakinira n’abahoze bakinira ikipe y’igihugu yabo ibitego 3-2.
Uyu mukino wabaye tariki ya 29 Kamena 2024 gusa ariko leta yifuje gutangaza ibyavuye mu mukino kuri iki cyumweru tariki ya 7 Nyakanga 2024.
Muri uyu mukino habonetsemo ibitego bigera kuri bitanu aho perezida Ibrahim Traoré wari kapiteni muri uyu mukino yatsinzemo 2 muri bitatu byatsinzwe.
Préjuce Nacoulma ku ruhande rw’abakinaga n’ikipe ya Perezidansi ni we watsinze ibitego bibiri byo kugabanya umwenda.
Umukino ubanza wari wabaye muri 2023, perezidansi ya Burkina Faso nabwo yari yatsinze iyi kipe y’abakinnyi babigize umwuga ibitego 3-1.
Umukino urangiye, Perezida wa Burkina Faso, Kapiteni Ibrahim Traoré, yasabye abakinnyi kugendera kure ibibatandukanya no gutekereza ku nyungu z’igihugu.
