Ku munsi w’ejo ku cyumweru tariki ya 21 Nyakanga 2024 nibwo mu gihugu cya Tanzania hazabera umukino wanyuma w’igikombe cya CECAFA Kagame Cup imaze iminsi iri kuberayo.
Uyu mukino wanyuma uzakinywa n’ikipe ya Apr Fc ndetse n’ikipe ya Red Arrows yo muri Zambia. Gusa iyi kipe ya Red Arrows yaje muri iri rushanwa rya CECAFA Kagame Cup ari umutumirwa.
Ubusanzwe Amategeko y’iri rushanwa rya CECAFA Kagame Cup avuga ko ikipe yaje muri uyu mukino ari umutumirwa ikaza kugera ku mukino wanyuma, niyo yatsinda umukino, ihabwa amafaranga aherekeza igikombe naho igikombe kigahabwa ikipe isanzwe muri iryo rushanwa ariko yageze ku mukino wanyuma.
Ibi rero ni byo bishobora kuba mu gihe Red Arrows ejo yakwegukana igikombe kuko yaje nk’umutumirwa, mu gihe yatsinda APR FC ni yo ishobora kwegukana igikombe.
Kuri ubu rero Apr Fc irahabwa amahirwe yo kugitwara kabone niyo yaba itatsinze. Gusa abayobozi b’iri rushanwa ntacyo baratangaza kuri iri tegeko niba rizakoreshwa kuri uyu mukino.
