Big Dom yakomoje ku kuza gutaramira Abanyarwanda i Kigali ndetse no kuri Album y’indirimbo ze yabijeje mu myaka yashize

ITYAZO Media muri gahunda yayo yo gufasha Abahanzi ndetse n’abandi bantu batandukanye mu kumenyekanisha ibikorwa byabo, twaganiriye n’umuhanzi Big Dom, maze atugezaho ibikorwa bye dusanzwe tuzi ko ari byinshi ariko by’umwihariko twibanze  kuri muzika inafite icyo ivuze cyane mu ruhando rwa muzika Nyarwanda nk’uko na we yabidusobanuriye.

Mu kiganiro Kigufi  yagiranye n’umunyamakuru wa ITYAZO, umuhanzi Big Dom yadutangarije byinshi birebana na  muzika ye ahamya ko aje aje ubudasubira inyuma ndetse kandi ko afite gahunda yo gusura u Rwanda no gutaramira abanyarwanda muri rusange.Tumaze kumuha ikaze mu kiganiro,  yatangiye atwibwira muri aya magambo:

Natangira nsuhuza abakunzi bose ba ityazo.rw nashimira uyu mwanya mumpaye wo kubwira no kumenyesha abakunzi ba muzika yanjye ko nagarutse ndetse kandi ko mbazaniye byinshi byiza nkuko bagiye babibona mugihe cyose twakoranye.

Ubusanzwe nitwa Cyubahiro Dominique ariko Abakunzi banjye banzi ku izina ry’ubuhanzi rya  [Big Dom] namenyekanye cyane muri muzika nyarwanda ubwo yari igitangira; Menyekana mu indirimbo nka Ange orangé, chic cho chèque, cyuzuzo,Igishwi n’izindi…, kuri ubu ntuye mu mugi wa Paris  ho mu gihugu cy’ubufaransa ku mugabane w’uburayi niho nkorera  ibikorwa byanjye  bitandukanye.

Big Dom yabajijwe impamvu yari yaramuteye gusinziriza umuziki we dore ko mu mwaka wa 2017 aribwo yari yatangaje ko agarutse kandi anizeza abafana be ko umwaka ugomba kurangira ashyize ahagaragara umuzingo[Album] w’indirimbo ze gusa nyuma biza kuba iby’umunyuzo ntiyongera kumvikana muri muzika.

Yasubije muri aya magambo: “Icyo nabwira abakunzi banjye nuko igihe cyanjye ariki, nyuma yigihe kinini ntabagezaho indirimbo nshya  ngarukanye  album [Umuzingo w’indirimbo] ubu ni nonstop [Ntaguhagarara] ninjye nabo buri gihe ntakongera gushyiramo temp mort[Akaruhuko]”

Uyu muhanzi kandi akomeza avuga ko ntambogamizi nimwe yahuye nayo ngo imutere kuba atarashyize hanze album ye mu mwaka 2017 nkuko yari yarabyijeje abafana, ahubwo ngo ni uko igihe cye cyari kitaragera neza ndetse kandi yagombaga no kubanza gushaka umwanya mwiza wo kuza mu Rwanda maze akabataramira.

Ati:”Ubu ndumva iki ari cyo gihe cyanjye ngo nkore ibyo nari narabasezeranyije kandi ndabizeza ko bizaba ari byiza cyane”

Ubutumwa naha Abakunzi banjye bangaye gutinda ntibangaye guhera mbateguriye ibikorwa byiza bikoranye ubuhanga n’ubunyamwuga, ndizerako bazishima! Kandi nshimiye na ITYAZO yampaye uyumwanya wokubagezaho ibikorwa bishya mbateganyiriza kubagezaho.

Umva indirimbo ya BIG DOM iheruka unyuze hano: