Abaturage bo mu karere ka Kicukiro umurenge wa Masaka baratabaza inzego zo hejuru ngo zihagarike urugomo ndetse n’akarengane abantu bkomeje gukorerwa n’abanyerondo bakabaye aribo bacunga umutekano.
Ibi bibaye nyuma yuko ku wa gatandatu w’icyumweru gishize tariki ya 10 Kanama 2024, Abanyerondo bakorera muri uyu murenge wa Masaka batangiriye umusore witwa Nigena Eric bakamukoreraho urugomo, ndetse bakamukubita bakamugira intere.
Amakuru avuga ko ubwo uyu musore yahuraga n’aba banyerondo bamugiriye nabi, yari avuye kureba umukobwa bari kwitegura kurushinga, ageze mu nzira yakubitanye n’aba banyerondo baramukubita ntambabazi.
Ibi bibaye kandi nyuma yuko mu minsi yashize nabwo mu murenge wa Muhima harimo havugwaga inkuru y’umunyerondo wahuriye n’umudamu mu nzira afite akabido karimo ubushera bakakarwanira birangira amuhiritse muri rigori y’amazi avunika umugongo.
Abanyerondo mu mande nyinshi z’igihugu bakomeza gushyirwa mu majwi yuko aribo bahungabanya umutekano aho kuwucunga nk’inshingano bahawe. Rimwe na rimwe usanga bavugwa muri case zo kwiba, gukubita abantu ndetse n’ubusinzi rimwe na rimwe.
