Abaturage b’u Burundi baba kunkengero z’ishyamba rya kibira muri Komine ya Muruta n’iya Kabarore mu ntara ya kayanza, bavuga ko bamaze iminsi babona amatsinda y’abantu bafite intwaro za rutura batembera muri utwo duce, aho bakunze kubabona mu masaha y’ijoro berekeza mu kibira.
Dukurikire ku Mbugazacu zitandukanye arizo:
- Injira muri WhatsApp Group yacu
- Dukurikire kuri WhatsApp Channel
- Dukurikire kuri Facebook Page
- Dukurikire kuri Twitter
Ayo matsinda agenda afite intwaro, abayagize bakaba bavuga ururimi rw’ikinyarwanda nigiswahili.
Abanyagihugu bo mu kayanza bakavuga ko ari abarwanyi ba FDLR na FLN bavanze n’imbonerakure z’u Burundi.
Bavuga ko baba bambaye impuzankano (Uniform) za gisirikare bafite n’intwaro zikomeye, ibisasu byinshi, bagenda babaza abanyagihugu amayira amwa n’amwe yerekeza mu Kibira, ishyamba rihana imbibi n’u Rwanda, hamwe n’inzira zerekeza mu ntara ya Cibitoke muri komine za Mabayi na Bukinanyana.
Aba baturage bavuga ko abarwanyi berekeza muri Komine Bukinanyana na Mabayi bo baba bitemberera ku mugaragaro ubona ko nta kibazo bafite.
Abo banyagihugu bagakomeza bagaragaza impungenge z’uko bariya barwanyi bashobora kubagirira nabi cyangwa bakiba amatungo yabo cyane cyane inka, ihene intama n’andi basanzwe batunze mu ngo zabo.
Bakomeza bavuga ko abo barwanyi bari bamaze iminsi myinshi muri ayo mashyamba, ariko badatembera nkuko bari kubibona muri iyi minsi.
Ikindi ngo babona ko bafite intumbero yo gutegura ibitero simusiga ku Rwanda baciye muri NYUNGWE hamwe no mu mashyamba ya Cibitoke ari muri za komine Mabayi na Bukinanyana
