Abaturage baturiye agace ka Panzi, mu mujyi wa Bukavu, mu ntara ya Kivu y’Amajyepfo bakoze imyigaragambyo yo kwamagana ihuriro ry’Ingabo za Repubulika ya demokarasi ya Congo, nyuma y’uko umusirikare yishe umuntu amurashe akomeretsa abandi babiri.
Dukurikire ku Mbugazacu zitandukanye arizo:
- Injira muri WhatsApp Group yacu
- Dukurikire kuri WhatsApp Channel
- Dukurikire kuri Facebook Page
- Dukurikire kuri Twitter
Ni Imyigaragambyo yabaye ku munsi w’ejo ibera mu mujyi wa Bukavu ku muhanda nimero ya 5, ahagana i Panzi, muri komine ya i Banda, mu ntara ya Kivu y’Amajyepfo.
Iyi myigaragambyo yakozwe nyuma yuko umwe mu basirikare ba FARDC i Bukavu yarashe umuturage arapfa, arasa n’abandi bantu ba biri barakomereka barimo umuhungu uri mukigero cy’imyaka 18 wakomeretse ku kuguru mu genziwe akomereka ku mutwe.
Ku mugoroba wo ku wa kabiri tariki 30 Mutarama 2024 nibwo uyu musirikare wa FARDC utatangajwe amazina yarashe mu baturage birangira arashe mu cyico umugore uzwi kw’izina rya Siyapata Josephine.
Byavuzwe ko umusirikare yarashe bariya baturage mu gihe bari banze kwishyura Amafaranga angana na 500 FRC yagenwe n’ubuyobozi bw’Ingabo muri uyu mujyi wa Bukavu.
Ibi byatumye mu gitondo cyo ku wa Gatatu, tariki ya 31 Mutarama 2024, abaturage b’i Panzi bazindukira mu myigaragabyo bamagana ingabo za FARDC muri Bukavu.
Amakuru avuga ko Imihanda yari yafunzwe aho abaturage bari bitambitse mu muhanda ngo hatagira imodoka zitambuka.
Abakoze iyo myigaragabyo bari bitwaje ibyapa bisaba ko abagiriwe nabi n’uriya musirikare bahabwa ubutabera ndetse n’ibindi bigaragaza ko bashaka ko abaturage bose muri rusange bagomba kurenganurwa ku karengane bakomeje kugirirwa n’ingabo za Repubulika Iharanira Demokarasi ya Congo n’ubutegetsi bwa Tshisekedi muri rusange.
Ibi byemejwe na Sosiyete sivile yo muri Banda, aho perezida wa Sosiyete sivile yo muri ako gace bwana Murhula Machumbiko, yemeje ko umusirikare wakoze ariya mahano yatawe muri yombi
Uyu muyobozi wa Sosiyete Sivile yakomeje avuga ko uriya muturage agomba guhabwa ubutabera nk’uko umuryango we ubisaba ndetse n’abarashwe bagakomereka bakabona ubutabera.
Yagize ati: “Hari umusirikare wa FARDC hano i Bukavu warashe umugore arapfa, uwo musirikare yatawe muri yombi ariko hagomba kubaho ubutabera, nk’uko abaturage babisaba.”
