Muri iyi minsi ku isoko ry’igura n’igurisha mu Rwanda, amakipe atandukanye akomeje kwigaragaza ndetse amwe na mwe amanura intwaro zikomeye mu mahanga.
Ku mugoroba w’iki cyumweru ku itariki 7 Nyakanga 2024, ikipe ya Apr Fc nayo iri mu makipe ari gushaka abakinnyi beza mu mahanga, yamaze gutangaza abakinnyi batatu yasinyishije.
Muri abo bakinnyi batatu harimo umunya-Ghana witwa Richmond Nii Lamptey wakiniraga Asante Kotoko. Undi ni umunya Mauritania witwa Mamadou Sy wakiniraga Nouakchott Kings, ndetse na Seidu Dauda Yussif ukomoka muri Ghana wakiniraga Smartex FC.
Richmond Nii Lamptey ni umusore w’imyaka 27 ukina mu kibuga hagati. Naho Mamdou Sy w’imyaka 24 wakiniraga Nouakchott Kings, akina yataka ndetse ahamagarwa mu ikipe nkuru y’igihugu y’iwabo. Seidu Dauda Yussif nawe ukomoka muri Ghana, afite imyaka 23.