Phillippe Coutinho agiye kwerekeza mu ikipe yo mubudage kuntizanyo y’umwaka umwe

Ngabo Simeon
Iyi photo ya Philippe Coutinho yafashwe ubwo FC Barcelona yakinaga na Seville muri Espanye ubwo ni Tariki ya 23 Gashyantare 2019.

Umukinnyi wo hagati w’ikipe y’igihugu ya Brazile ndetse akanakinira Fc Barcelona yo muri Espagne, Phillippe Coutinho, ashobora kwerekeza mu ikipe ya Bayern Munich yo mu budage ku ntizanyo y’umwaka umwe.

Uyu musore umaze iminsi avugwaho kuba yava mu ikipe ya Barcelona akerekeza mu makipe agiye atandukanye nka Totenham, Arsenal ndetse na Liverpool kur’ubu ubuyobozi bwikipe ya Bayern Munich bwatangaje ko uyu musore bagomba kumuzana uko byamera kose, gusa ngo ntabwo bazamuzana nk’uguzwe ahubwo bazamuzana nk’intizanyo y’umwaka umwe, maze nurangira babe aribwo bamugura.

Uyu musore w’imyaka 27, ni umwe mu bakinnyi beza iyi kipe yari ifite gusa nyuma y’uko iyi kipe isa nkaho ubwayo ishaka kuba yamwikuraho dore ko ubwo ikipe ya Barcelona yatangazaga ko ishaka kuba yagarura Neymar, yavuze ko yatanga uyu musore ikongeraho miliyoni 100 ngo ibe yamugarura, kurubu rero uyu musore nawe arashaka kuba yasezerera iyi kipe.

Coutinho kuva yava muri Liverpool akerekeza muri Barcelona yari amaze kuyitsindira ibitego 21 mu mikino 76 yayikiniye, mu gihe ari no mu bakinnyi beza ikipe y’igihugu ya Brazile igenderaho dore ko amaze kuyikinira imikino 55 yose.

Coutinho kandi nawe yari umwe mu bakinnyi ba Barcelona batsinzwe muri iri joro ryo kuwa gatanu, aho Athletic Bilbao yatsindaga Barcelona 1-0, mu mukino wa mbere wa shampiyona.

 

Leave a Reply

Your email address will not be published. Required fields are marked *

Next Post

Uburyo ShaddyBoo ari kubyinira kurukoma ngo Diamond Platnumz yamuvuze neza -Amafoto

Umuhanzi Diamond Platnumz yageze I Kigali mu gusoza ibitaramo bya Iwacu Muzika Festival, yavuze ko nta mubano wihariye afitanye na Shaddyboo ndetse ko amufata nka mushiki we. Mu minsi yashize byagiye bivugwa ko uyu muhanzi yaba ari mu rukundo n’umukobwa w’umunyarwandakazi wamenyekanye ku mbuga nkoranyambaga, Uwimbabazi Shadia uzwi nka Shaddyboo. […]